दाङ, ९ जेठ । लुम्बिनी प्रदेश सभाको आठौं अधिवेशन अन्तर्गत शनिबार (आज) बस्ने चौथो बैठकमा विनियोजन विधेयक, २०८३ का सिद्वान्त र प्राथमिकतामाथिको छलफल जारी रहने भएको छ ।
आज दिउँसो १ बजे बस्ने बैठकमा ‘लुम्बिनी प्रदेश सरकारको विनियोजन विधेयक, २०८३ का सिद्वान्त र प्राथमिकता’ माथि प्रदेश सभा सदस्यहरूबीच छलफल हुने भएको हो ।
शुक्रबार पनि १० जना प्रदेश सभा सदस्यले छलफलमा भाग लिनुभएको थियो । बैठकमा प्रदेश सभा सदस्यहरूले समसामयिक विषयमा शून्य समयमा आफ्ना धारणा राख्ने कार्यसूचीमा समावेश रहेको छ ।